الثلاثاء، 14 يوليو 2009

معهد القلب ... كلاكيت تانى مره .... بقلم الدبوس

إهـمـال» فى معهد القلب: المرضى ينتظرون شهوراً طويلة لإجراء العمليات الجراحية وقوائم الانتظار تشمل أبسط أنواع التحاليل

ده بقى عنوان مقال نقلا عن جريده المصرى اليوم وللعلم ان العنوان مش ملفت للانتباه مش علشان ده موضوع سيىء بالعكس المشكله كلها ان الموضوع ده قديم وكانه مسلسل بيتم تصويره كل يوم مع ناس من أشكال وألوان للاسف مشكله الطب او ممكن نسميها مشكله الجزارين ولو ان الجزارين ممكن يزعلوا منى بس انا بقدملهم اعتذراى على التشبيه بيهم الساده الافاضل الاطباء اللى المفروض ملائكه الرحمه بيعاملوا الناس كانهم لا يقال غير كانهم خدامين عندهم أو بيستجدوا شىء لله وايه سيدى ياسيدى على الاهمال واحد غلبان بيحكى قصته مع الساده الجزارين .... عفوا اقصد الاطباء تحمل حسين - كما يروى - آلام المرض طوال تلك المدة وأخذ يعد الأيام حتى موعد إجراء القسطرة على أمل أن تنتهى معاناته بعدها، ولم يتخيل ولو للحظة واحدة أنها ستكون بداية لمعاناة أكبر تنتهى بحاجته لإجراء جراحة قلب مفتوح، يقول حسين: «عندما ذهبت لإجراء القسطرة وقف ٣ أطباء.. فقلت إيه الاهتمام ده كله.. لكنهم أثناء تركيب القسطرة ما بطلوش كلام.. كانوا بيرتبوا لفسحة تجمعهم آخر اليوم.. وفى لحظة حسيت بغزة..
واكتشفت أن الدكتور بسبب انشغاله بالكلام مع زملائه وأثناء تمريره القسطرة فى الشريان خبطها غلط فى جداره.. وعمل ثقب نزف منه الدم من ناحية وتجلط من الناحية التانية.. وبكل بساطة خبط الدكتور بعدها على كتفى وقال لى: قوم يا حاج إنت ماينفعش معاك إلا عملية قلب مفتوح».
هما يحكوا والراجل قلبه يولع .......... لا تعليق


الدكتور مجدى يعقوب


نجى بقى لعرض فليم سنياريو احلى بكتير طبعا كلنا عارفين الدكتور مجدى يعقوب البريطانى الجنسيه المصرى الاصل فى عام 2006 قام بعمل عمليه انتزاع لقلب اصطناعى لطفله قد قام منذ 10 سنوات بتركيب قلب اصطناعى لها بجانب القلب الطبيعى وإلى ان القلب الطبيعى تماثل الشفاء قام بانتزاع القلب الاصطناعى لها
انا نفسى بس نتخيل البنت دى لو كانت فى مصر كانت سمعت كلمه قالها دكتور لآب يطلب موعد لعمليه بنته الدكتور قاله " ما تموت " دى لو كانت بنت الدكتور كانت اتعالجت كويس جداً لكن دى بنت مزارع غلبان ربنا يشفيكى يا بنتى

ليست هناك تعليقات: