نأسف للازعاج حضره النسناس المبرجل بقلم : الدبوس

طيب ايه راى سعادتكم فى واحد يسرق نسناس طيب يعمل بيه ايه لا وبيقلولك أحبطت مباحث الجيزه محاوله سرقه نسناس من داخل حديقه الحيوان طب ماهو ده قمه الاحباط وحرقه دم الراجل معلش يا استاذ مسجل خطر تيجى فى الهيفه وتتصدر طيب مش قالك لو سرقت اسرق جمل مقالش نسناس وعلى كده الناس كلها فلست مش لاقى بنى آدم واحد تسرقه طيب ما الناس اللى معاها فلوس كتير ادينى بديك محاضره فى الحقد الطبقى علشان انصحك اصلك بجد طلعت غلبان مش عارف اقول حاجه كل واحد عقله مريحه اخر راحه

الديه................... فى عصر الجاهليه.......... بقلم : الدبوس

علماء الأزهر: الدية لا تلغي إعدام مصطفى في جريمة قتل تميم

مش عارف بصراحه ديه ولا مش ديه بس اللى اعرفه ان ايد القضاء كانت كبيره عليهم يعنى الاستاذه المغنيه اللى محدش سمع عنها غير لما ماتت لو كانت واحده غلبانه كان حد عبرها ولا دور مين قتل ولا مين مقتلش يلا اهو كله رزق الهبل على المجنانين وايه المحكمه مفيهاش مكان فاضى ولا سم حتى على ايه مش عارف ويا عالم اللى يغيظك من الموضوع اسمع العنوان ده بقى بس ركز معايا ومتستغربش منه عادى

سوزان تميم كبدت مصر وهشام طلعت والسكري 14 مليون دولار

هاتقلولى ليه يا خويا اقوالك معرفش لالالا خليك معايا تانى وده نقلا عن موقع الاسواق العربيه وجريده الشروق

كشفت جلسات محاكمة رجل الأعمال المصري هشام طلعت مصطفى المدان بتحريض الضابط السابق محسن السكري على قتل الفنانة اللبنانية سوزان تميم أن إجمالي تكاليف القضية التى تحملتها الحكومة المصرية والمتهمان بلغت 80 مليون جنيه (14 مليون دولار)، لتكون بذلك القضية صاحبة أعلى تكاليف في مصر. ووفقا لما ذكرته صحيفة "الشروق الجديد" المستقلة الأحد 24-5-2009 فقد تحمل هشام طلعت بمفرده 70 مليون جنيه من مصاريف القضية، حيث ثبت من حسابات سوزان تميم فى بنوك سويسرا والدعوى التى رفعها أمام المحاكم السويسرية لتجميد أرصدتها أنه دفع لها 40 مليون جنيه، كما تحمل مبلغ 10 ملايين جنيه دفعها بشيك إلى زوجها اللبنانى عادل معتوق حتى يقوم بتطليقها بحسب الصحيفة التي قاتل إن معتوق التقى طلعت فى مصر وأبلغه أنه أجرى 18 عملية تجميل لزوجته المجنى عليها سوزان تميم، حيث تم تركيب نصف كيلو من السليكون فى أنحاء متفرقة من جسدها بإجمالى تكلفة قدرها مليون ونصف المليون دولار ، وسلم طلعت لمعتوق الشيك نظير تطليقها

http://www.alarabiya.net/articles/2009/05/24/73685.html

يعنى جريمه قتل تكفى تصرف على دوله شوفتوا العجب 80 مليون والناس بتقتل بعض على 2 جنيه ولا حتى رغيف عيش محروق ولا وركز كده معايا كان ليها كام جوز كل واحد بعد ماطلاقها عاوز يقول لا انا مطلقتش والعلم عند الله مين طلق بس الغريب انها لو كانت عايشه وعملت مصيبه كل واحد من ازوجها كان هايقول انا ماليش دعوة انا مطلقها من فتره يلا ماعلينا تعيشوا وتشوفوا بس اللى عاجبانى بصراحه موضوع الديه كاننا فى عصر من عصور الجاهليه

بيرة في الفصل ... !! بقلم:المقص

مش عارف اذا كان في حد منكم خد باله من اللي انا شفته امبارح ولا لأ
و انا معدي من على كوبري 6 اكتوبر في اتجاه التحرير ووسط البلد رايت اعلان لبيرة ستيلا ... !!!
و على حد علمي دي اول مره اشوف فيها اعلان عام بالحجم الكامل لأي نوع من أنواع الخمور

مش عارف ايه دلالة اعلان زي ده ...
في ناس ممكن تشوف الموضوع اننا (كمجتمع) وصلنا لنوع من الاستهتار او الانحلال الخلقي
بس اللي انا شايفه في الاعلان ده حاجه اهم - في وجهة نظري - من اي درجه وصلت ليها اخلاق المجتمع ... انا مش رقيب اخلاق

انا شايف ان دي خطوه ممتازة .... !!
ممتازة ازاي يا استاذ بيقولك بيرة ... خمور يعني و العياز بالله
اصبر بس عليا ... الموضوع مش موضوع خمور قد ما هو موضوع اننا كسبنا مساحة ضد الوهابين و السلفين
ضد مقولات التكفير اللي ورانا في كل حته
اننا نقدر نشوف اكتر من راي ... مش بس جماعات التكفير و الاراء اللي على رف التاريخ
بغض النظر عن وجهة نظري الشخصية ناحية الخمور و اضرارها الصحية او راي الدين فيها

فانا ارى انها خطوه ليست سيئة كما تبدو
صحيح ان الاعلان جاء على استحياء فهو لم يذكر اسم ستيلا بصورة صريحة
فقط وضع العلامة التجاريو لستيلا و الموقع الالكتروني الخاص بالشركة
www.stella1ofus.com

هل ممكن تكون دي دلالة عن ضعف يد الجماعات الوهابية عن رقبة الشعب
ولا ده حاجه مؤقته لغاية لما حد من الاخوة الافاضل بتوع مجلس الشعب ما يقدم استجواب مهم و خطير عن الموضوع ده
طبعا انت عارف ان الموضوع ده اهم بكتير من ان الناس مش لاقيه تاكل او ان الشباب مش لاقي شغل

السؤال بقى ايه دخل الموضع بالفصل اللي في اسم التدوينه
طبعا البيره هي البيره و الفصل هو البلد اللي احنا عايشين فيها و الوهابين و الرجعين و بتوع الدولة الدينية هما الاساتذه اللي شايفينا قاعدين عندهم في الفصل
لأ فصل ايه بقى ... عندهم في الكُتاب ... ده مناسب اكتر لثقافتهم ...
و هما المسؤولين عن اننا نشوف ايه و منشوفش ايه
نقرا ايه و منقراش ايه
حتى نشرب ايه و منشربش ايه

طبعا المفروض دلوقت اكتب على المدونة
ممنوع لاقل من 21 سنه

كل أستاذ يخليه في ورقته ...!!! بقلم : المقص

تأتي هذه التدوينة متأخرة بعض الشيء حيث انها تتحدث على موضوع مر عليه كتير من الوقت
بس بما اني عامل المدونة دي علشان اكتب فيها اللي يعجبني .... ما اهو انا مش بقدم نشرة اخبار المفروض اني امشي مع احداث الساعة

اكترنا سمع عن امتحانات الكادر ...
كادر ايه؟ ... كادر المعلمين طبعا

انتوا عارفين ان الحكومة لقت ان في موظفين لسه غلابة (ده على اساس ان في موظفين مش غلابة) زي الاطباء الحكومين و دكاترة الجامعة و المدرسين فقررت انها تزود مرتباتهم .... علشان بس متقلوش بابا حارمكم من حاجه.

كادر الدكاترة مر بسلام و الناس جات تقبض الشهر اللي بعده لقت فلوسها زايده و الحمد لله ( يعني دلوقت تقدر تشتري 100 جرام لحمة بدل الـ 50 بتوع كل شهر ).

بس لأن وزارة التربية و التعليم العريقة مش بتنتج ولا بتجيب دخل (طبعا لأنهم بيربوا اجيال مش مواشي ) و على اساس ان المدرسين شغالين في جمعية خيرية فكان لازم نطلع ..... ابوهم علشان نديهم الكادر.
وده مش علشان اللي ماسكينها رخمين ولا حاجه لا سمح الله لأ ده كله علشان مصر

و طبعا لأن همهم الاول هو مصلحة الطالب .... (طبعا نظام التعليم كله معمول علشان مصلحة الطالب ... ولا ايه ... تقدر تقول غير كده) قرروا ان الكادر يكون للمدرسين اللي هيعدوا الامتحان ... امتحان ايه؟ امتحان الكادر طبعا

فجه القرار انه يتعمل امتحان لكل المدرسين في تلت مواد اساسية ... اشمعنى هما يعني ... الاول في علم النفس التربوي و التانيه في اللغة العربية و التالته في التخصص بتاعه ...
طب علم نفس تربوي ماشي ... على اساس انها وزارة التربية برده مع اني مش شايف اي تربية بس شغال
طب اللغة العربية ليه .... يعني مدرس لغة انجليزية يمتحن عربي ليه ... هيعمل بيه ايه

طبعاً مادة التخصص مفهومة .... علشان يتاكدوا ان المدرس مؤهل انه يدرس المادة ... اللي هو اساسا ملوش علاقة بيها غير في الدروس الخصوصية ... طب كويس اهو بيتأكدوا من مستوى الدرس الخصوصي.

السؤال: مين اهم صحة الانسان ولا مستوى تعليمة
و مين اخطر ان واحد يقع تحت ايد مدرس فاشل فيطلع حمار ولا يقع تحت ايد دكتور فاشل فميطلعش اساساً
اصل لو الموضوع هو مصلحة الطالب اللي هو في الاخر انسان كان بالاولى ان الامتحان يتعمل للدكاترة كمان
ولا دول كوسه علشان دكاترة.
ولا الموضوع له علاقة بنقيب له كلمة مسموعة يقدر يحمى حقوق اعضاء نقابته و نقيب ملوش وجود محدش بيسمع عنه حاجه
ولا الموضوع له حسابات اخرى اكبر من فهمي.

ولا اساسا انا اللي وحش و قلبي اسود و مبحبش الخير لمصر و الناس دي هي اللي قلبها طيب و ابيض وزي الفل.

تحديث:

اللي وصل ليا بعد كده ان العاملين في الادارة التعليمية هما كمان دخلوا الامتحان علشان ياخدوا الكادر و هما اساسا ملهومش اي علاقة بالمادة التعليمية و شغالين شغل اداري و ورقيات بعيدة تماماً عن مادتهم الاساسية 

طب حد يفهمني دول يمتحنوا في مواد مبقوش بيدرسوها ولا بيدرسوا و لا هيدرسوا تاني ليه؟؟؟؟؟؟؟؟!!!!!!

القاهرة .... طهران ....!!! بقلم : المقص

لست ادري كيف و بعد كل تلك الاحداث المؤسفة في ايران مازال يوجد من يطالب بقيام دولة دينية او حتى ما تسمى تخفيفا بالدوولة ذات المرجعية الدينية.
اين توجد تلك التجربة الناجحة التي يحلم بها الاخوان و سواهم من انصار الدولة الدينية.
هل الهجوم على الطلبة في مضاجعهم في نصف الليل من مظاهر الدولة الدينية
هل تكسير ايدي و ارجل الطلبة و منع نقل الجرحى من مظاهر الدولة الدينية
هل منع الصحافة و وسائل الاعلام من نقل الاخبار من مظاهر الدولة الدينية
إذا كان هذا صحيحا .... فعفواً انا لا اريد دولة دينية

نعود للنقطة الاولى .... اين تلك الدولة الدينية الناجحة التي يريد الاخوان و سواهم القيام بمثلها
هل هي طهران
ام الرياض
ام افغانستان او طالبان

و إذا تكلم هؤلاء عن دولة الخلافة فحدث ولا حرج ... هل كانت دولة الخلافة دولة دينية صحيحة و هل هي المثال الذي نطمح اليه
إذا لماذا سالت انهار من دماء المسلمين بايدي مسلمة
لماذا قتل عدد كبير من الصحابة بايدي مسلمة

لماذا عادت الروح القبلية ثانية بعد ان كان الاسلام قد نجح في تزويب الفوارق بين القبائل و جمعهم تحت لواء واحد
اليس كل هذا دليل على ان الامر لا يتعلق بالدين نفسه
ولكن الامر مرهون بنفوس بشرية مائلة للسوء و الحكم ليس في يد الله كما يدعون ان الحكم حكم الله و لكنه في ايدي اناس لهم مطامع و طموحات يريدون تنفيذها باسم الدين

يبقى لنا فقط دولة واحدة هي التي يشار اليها انها دولة دينية
و هي دولة الرسول (ص) ... تلك الدولة التي استطاعت تذويب القبلية العربية و تكوين اول دولة موحدة في الجزيرة و استطاعت ان تضم تحت لوائها الكثير من الاجناس المتناقضة ...
و لكن هل كان يحكم تلك الدولة انسان عادي له مطامعه ... اننا ننظهر الى دولة يراسها رسول يوحى اليه و يعصم من الخطأ
فكيف يريد امثال هؤلاء تطبيق ما لا يستطيعون الوصول اليه
ام انهم يظنون انهم رسل من عند الله او اولياء الله في الارض
هل يظنون انهم معصومين حتى يستطيعوا ان يحكموا مثلما حكم الرسول (ص).

فاذا كان الحال في طهران هو ما يطمحون اليه
فانا لا اريد طهران اخري .... يكفينا ما لدينا

الحرب الافغانية اونلاين على فيسبوك و يوتيوب !!! .... بقلم: المقص

نقلاً عن موقع اسلام اليوم:

"

انتقل الجيش الأمريكي إلي مرحلة القتال "اونلاين" ، حيث قرر نقل عملياته العسكرية في أفغانستان إلي فضاء الإنترنت بتوفير أحدث أخبار الوقائع الدائرة في أرض المعارك علي مواقع "فيس بوك" و " تويتر " بالإضافة إلي "يوتيوب".

وقال في بيان صدر مؤخرا إن الهدف من الخطوة التواصل المباشر مع مشاهدين غير تقليديين بالأخبار والصور والفيديو.

وجذب موقع الجيش الأمريكي علي يوتيوب www.youtube.com/usfora ، قرابة 5 آلاف زائر ، وكذلك صفحته علي موقع "توتير" twitter.com/usfora

وأوضحت المتحدثة باسم الجيش ليندي كايزر أن الجيش إدراكا منه لتغير المشهد الإعلامي، قام بهذه الخطوة للوصول إلى المستخدمين الأصغر سنا، الذين يركزون على مواقع مثل "تويتر" Twitter والمنتديات الاجتماعية.

وقالت كايزر إن "شباب اليوم لا يتابعون نشرات الأخبار المسائية ويتبادلون المعلومات من خلال مواقع تويتر أو فيسبوك"، مضيفة: "إذا لم يكن لنا وجود في هذه المساحات، فنحن نغفل وجهة نظر الجيش".

"

بينما يهتم الجيش الامريكي باستخدام الاعلام كوسيله مهمه في الحرب و جزء من الحرب النفسية ينعزل العالم العربي و الاسلامي كل يوم بعيدا عن الراي العام العالمي ... مما يعطي فرصه اكبر للإدارة الامريكية للتحكم في مجرى الامور بعيدا عن الرقابه العالمية

ولأن الشيء بالشيء يذكر فقد احببت ان اشارككم الاعلان الاول الصادر عن حركة "طالبان عندما يسر الله عليها بفتح كابول!!

و يمكن بسهولة معرفة لماذا يتقدم الغرب كل يوم بينما نتراجع نحن مئات السنين الى الوراء

- "إعلان صادر عن رئاسة الأمر بالمعروف- كابول (ديسمبر 1996) :
1. لصيانة النساء من الغواية فلابد لهن أن يرتدين الحجاب، كما أنه لا يسمح لأي سائق عربة أو سيارة بنقل امرأة ترتدي الحجاب الإيراني وحده؛لأنه لا يكفي للتغطية الشرعية، و في حالة المخالفة فإن السائق سوف يحكم عليه بالسجن، كما أنه إذا صادف البوليس الشرعي امرأة تمشي في الطرقات بالبرقع الإيراني وحده، فسوف يُقبض عليها، و إذا تواجدت في طريق دون رجل من أهلها فسوف يتم القبض عليها.
2. تُمنع الموسيقى و قد يُحظر إذاعتها من أي وسيلة إعلامية عامة.كذلك يُحظر على المحلات و الفنادق و السيارات و العربات أن تستعمل أجهزة تسجيل الغناء و إعادتها لأن ذلك ممنوع، و هذا الأمر لابد أن يُطبق خلال خمسة أيام، و إذا وجدت أي أدوات موسيقية في محل، فإن صاحب المحل سوف يُسجن و المحل سوف يُغلق.و يُفتح المحل فقط في حالة تقدم خمسة أفراد لضمان أن صاحب المحل لن يعود إلى ارتكاب المخالفة مرة أخرى، و إذا وُجدت شرائط موسيقية في سيارة فإن السيارة سوف تُصادر و السائق سوف يُسجن و يمكن الإفراج عن الإثنين في حالة تقدم خمسة أفراد بضمانات بعدم تكرار المخالفة.
3. يُمنع حلق اللحى أو قصها و في ظرف شهر و نصف شهر من الآن، فإن أي رجل يُضبط حلقاً ذقنه أو قاصاً شعرها، سوف يُقبض عليه و يُسجن حتى تكبر لحيته إلى حدها الشرعي.
4. يُمنع منعاً تاماً الاحتفاظ بأبراج الحمام و اللعب بالطيور و خلال عشرة أيام، فإن هذه العادة أو الهواية لابد أن تُوقف و بعد عشرة أيام سوف يجري تفتيش يضمن تنفيذ هذا البند، و إذا ظهرت مخالفة فإن المسئول يُقتل.
5. يمنع منعاً باتاً اللعب بالطائرات الورقية و كل محلات بيع مثل هذه الطائرات الورقية يجب إغلاقها.
6. لمنع الشرك بالله فإن كل صور أو رسومات في حجرات البيوت أو في المحلات أو في الفنادق أو في أي مكان آخر، لابد أن تُرفع، و سوف يُكلف المسئولون بالتفتيش للتأكد من تنفيذ ذلك الأمر في أي مكان.
7. يُمنع القمار منعاً باتاً، و يُطلب من كل من يعرف بمكان يجري فيه اللعب أو بأفراد يشاركون فيه، أن يُبلغ عن ذلك و سوف يجري سجن كل اللاعبين و المتواطئين على السكوت و إغلاق المكان.
8. يُمنع الإدمان و المدمن يوضع في السجن و يُحقق معه حتى يعترف بالمكان الذي حصل منه على المادة التي يستعملها لكي يتسنى عقاب صاحبه و سجنه.
9. لمنع تصفيف الشعر على الطريقة الإنجليزية أو الأمريكية فإن من يُضبط متلبساً بتصفيف شعره على هذا النحو سوف يتولى البوليس الشرعي حلق شعره و تغريمه أجر الحلاق.
10. لمنع الفوائد على القروض و على تغيير العملة فإن هناك لوائح سوف تصدر للتطبيق في هذا المجال و سوف يُسجن كل مخالف لها لمدد طويلة.
11. يُمنع غسيل الملابس في المجاري العامة للمياه في المدينة بواسطة الشابات من النساء، و كل شابة تُضبط متلبسة بهذا الفعل سوف يُقبض عليها و تُعاد إلى بيتها و يُعاقب زوجها بالحبس.
12. تُمنع الموسيقى و الرفص في حفلات الزواج، و في حالة المخالفة فإن رئيس العائلة سوف يُقبض عليه و يُعاقب.
13. يُمنع منعاً باتاً استعمال الطبول، و إذا ضُبط أحد متلبساً بمخالفة ذلك، فسوف يُوقع عليه العقاب المناسب.
14. يُمنع منعاً باتاً أخذ مقاييس جسد أي امرأة بغرض تفصيل ملابس لها حتى و لو كان القائم بالعمل امرأة أخرى.
15. يُمنع ممارسة السحر بقصد الإضرار بالآخرين و كتب السحر جميعاً سوف تُصادر و تُحرق، كما أن كل من يشيع عنه استعمال ألعاب الحواة سوف يوضع في السجن.
16. تُوقف كل وسائل المواصلات وقت أداء الصلاة و أي شخص يوجد في شارع أو في محل في هذا الوقت يُقبض عليه فوراً."ص288
(محمد حسنين هيكل- من نيويورك إلى كابول – المصرية للنشر العربي و الدولي 2002)