الأحد، 6 سبتمبر، 2009

دخول السيدات بأسيوط بمحرم لديوان الحكومه .... بقلم الدبوس


خبر غريب بس مش قوى تقرر منع دخول السيدات إلى ديوان الحكومه بأسيوط بدوم محرم وده بسبب أغرب نقلا عن جريده الوفد فى عددها الصادر بتاريخ 25أغسطس 2009 ............
قرر اللواء نبيل العزبي‮ ‬محافظ أسيوط،‮ ‬حظر دخول النساء لمبني‮ ‬ديوان عام المحافظة بدون محرم‮. ‬اشترط المحافظ وجود محرم مع المرأة التي‮ ‬تدخل المحافظة،‮ ‬أو تستعين بأحد موظفي‮ ‬الديوان المقربين لهن‮. ‬وكان أعضاء مجلسي‮ ‬الشعب والشوري‮ ‬التابعون للحزب الوطني‮ ‬قد اتهموا اللواء سامي‮ ‬فودة سكرتير عام المحافظة،‮ ‬بارتكاب أعمال منافية للآداب تسئ لسمعة المحافظة وقياداتها‮.‬ تقدم نبيل العزبي‮ ‬بمذكرة الي‮ ‬محمد عبدالسلام المحجوب وزير التنمية المحلية‮ ‬يطلب نقل السكرتير العام،‮ ‬واستجاب‮ »‬المحجوب‮«‬،‮ ‬وأصدر قراراً‮ ‬بنقله لديوان عام وزارة التنمية المحلية‮. ‬تدخل أحمد عز أمين تنظيم الحزب الوطني‮ ‬في‮ ‬القضية وطالب المحافظ باحترام النواب وعدم التعرض بالإساءة لهم أو الخوض في‮ ‬سمعتهم حتي‮ ‬لا‮ ‬يفقدوا مصداقيتهم في‮ ‬الشارع‮. ‬وتصاعد الموقف،‮ ‬وأصدر المحافظ أوامره بمنع دخول السيدات بدون‮ »‬محرم‮« ‬لديوان عام المحافظة‮


بس السؤال مش هو منع السيدات من دخول الديوان بدون محرم ... لا طب ليه لا يتم فصل أو نقل هذا السكرتير إلى مكان تانى بدون أى ارتباك لاحد ولا احراج المشكله مش فى السكرتير المشكله فى الناس الفاضيه اللى عاوزه يكون ليها صوت باين وبس

واضح اننا ابتدينا نرجع لعصور الجاهليه من تانى ولسه .....

الحريه الشخصيه ...... بقلم الدبوس


المعنى اللغوى للحريه هو التحرر من القيود التى تكبل طاقات الانسان ، بس هل اننا نشعر بالحريه موجوده فى حياتنا فى علاقاتنا فى كل مجالات حياتنا ، رأى انه مفيش كلمه حريه موجوده ، بس مش عارف هل ده بسببنا احنا ولا بسبب اننا جوه نظام فاشل ، جوه حياتى همارس ازاى الحريه وفى مليون حاجه بتمنعنى ، أقول راى أعيش حياتى زى مانا عايز مش زى ما النظام عايز ، فين الحريه وأنا أعلم ابنى متتكلمش أحسن ما تعملنا مصيبه متقولش رأيك كأنى بربيه وبحط قفل على عقله مقدرش أحفظه غير مالناش دعوه خلينا ماشين جنب الحيط ومابالك ممكن نكون جوه الحيط ، هل أنى أكون حر دى بقيت كارثه كأنى باستجدى آداميتى ..... مين المسئول عن الحفاظ هلى هذه الحريه ؟ ده يقال ان الحريه هى المسافه الافتراضيه بين الناس والمعينه تحت بند الحريه الشخصيه ، أنا أعرف بصراحه انى المفروض حر أعمل اللى عاوز أعمله طول ما انا مش بضر حد ولا بضر النظام الفاسد اللى موجود بس ياريت لو حد لاقى حريتى يجبهالى أصلى مش لاقيها فى بلد ضاعت فيها كل مبادىء الحريه فعلا محتاجين حد يقوم بثوره وعلى رأى جيفارا..........
يقولون لي أذا رأيت عبدا نائما فلا توقظه لئلا يحلم بالحريه
لحد أمتى هاتفضل ضايعه مش عارف ......