أخيرا الفيلم الذي انتظره الجماهير, اقوى افلام الموسم وكل موسم, فيلم لمعبودة الجماهير - طبعا الكل حيقول نادية الجندي - على العموم الموضوع ما فرقش كتير الاتنين ( بيالعوا) ما بيبخلوش , أظن انتوا فهمتوا انا بتكلم عن مين ..... المهم من منطلق كلمة ان الاتنين بيالعوا, اظن ان السينما المصرية مليانة و زاخرة بكل الوان الفن اقصد ( الالع ) من ايام الابيض والاسود, طبعا كلنا نفتكر زمن الالع الجميل اقصد ( الفن الجميل ) زي هند رستم وسامية جمال مرورا بنجوى فؤاد وفيفي عبده و وصولا لنادية الجندي وغادة عبد الرازق وسمية الخشاب وانتهاءا بالخمس موزز اللي كانوا في حريم كريم - طبعا في واحد ممكن يقول انهم كانوا اربعة بس, على اعتبار ان ياسمين عبد العزيز كانت مراته فماتبقاش موزة - وجديدا على الساحة الفنية اقصد ( الالعية ) دخلت منى زكي المنافسة ....... الخ.
وطبعا مصر مازالت ولادة والسينما المصرية لسة حيكون فيها اكتر واكتر من الفنانات اقصد ( الالاعـ ....) ولا بلاش.
خالد يوسف قال ان هيفاء اقنعتني بموهبتها - ده على اساس انها خريجة المدرسة اللبنانية للالع - فهو طبعا وجد انه لازم يعرض في فيلمه الجديد اسلوب المدرسة دي من حيث التقنية المختلفة والموهبة الفطرية و الاجر العالي و الايرادات العالية و ......... الخ.
ودي دعوة للي مش عاجبه المدرسة الفنية المصرية اقصد ( الالعية) او عايز يتفرج على دم جديد, يروح يتفرج على الفن الجديد اقصد ( الالع ) اللي استوردناه من الخارج.
لكن رايي أنا قاطع الالع المستورد وشجع المنتج المصري.
هناك 4 تعليقات:
معلش يبقى انت داخل عشان مناظر و مفهمتش رسالة الفلم
@مواطن مصري
صدقني انا بتفق معاك في الموضوع ده صحيح انا مش بحب هيفاء و عندي اعتراضات على خالد يوسف بحس انه بيحب يتفلسف شوية من غير عمق.
بس صديقي الخيط كان بيتكلم عن نقطة ملهاش دعوة برسالة الفيلم و كلامة لم يقلل من رسالة الفيلم او جودته
هو بيتكلم عن استخدام مغنية معروف عنها اتجاهها للعري في اغانيها لأداء الفيلم.
يا استاذ مقص حضرتك بتدافع عن مدونه استاذ خيط الموضوع كله مش محتاج تعليقات لان دى بقيت شىءعادى اتجاه العرى بقى الطبيعى ممكن خلال فتره جايه يكون ان الاعتدال هو اللى هاينتقد مش العرى شوف الكليبات بتاعه الاغانى ولا افيشات الافلام ولا دعايه اى برنامج لازم مزه جامده ويا حبذا لو بتخلع هدومها هو ده بقى الوضع السائد كل الكلام ده مش بقلل من قيمه الفليم هو محاوله لانتقاد وضع مش مستحب يا استاذ مواطن مصرى
(هو بيتكلم عن استخدام مغنية معروف عنها اتجاهها للعري )
لا هي استخدام عاريه معروف عنها اتجاها للغناء هو هيفاء دي مغنيه اصلا
هو فيه حد بيسمعلها لا سمح الله ام بس ثري
ده انا كل مابسمعها بفتكر المقوله الشهيره هو ده صووووت
إرسال تعليق